Ndërsa janë qetësuar paksa zërat sa i përket themelimit të ushtrisë së Kosovë pas dështimit të iniciativës së presidentit Thaçi që një gjë e tillë të bëhet përmes dryshimeve kushtetuese, në skenë ka dalur ish-komandant i KFOR-it, gjenerali Volker Halbauer, i cili ka thënë se Kosovës i nevojitet ushtria, por jo tani për tani.
Halbauer, një deklarim të tillë e ka bërë gjatë një bashkëbisedimi me studentë të Kolegjit “ISPE” në Prishtinë.
“Bota po kalon në një proces të ndërlikuar të aspektit të sigurisë, prandaj duhet pritur koha më e mirë për këtë gjë. Jam i prirur të besoj se lidershipi juaj do të pres kohen e duhur për formimin e ushtrisë. FSK aktualisht është në fazën e ngritjeve të kapaciteteve dhe këtë po e bënë në misione trajnuese me NATO-n”, ka thënë gjenerali Halbauer.
Kujtojmë se ambasadori amerikan, Greig Delawie në forumin “FOL Hapur”, të mbajtur javë më parë ka thënë se ai personalisht dhe ekipi i tij janë të gatshëm të përfshihen në procesin e themelimit të ushtrisë, dhe t’ju shpjegojnë serbëve të Kosovës anembanë që ushtria është në të mirë të të gjithëve. /tesheshi.com/
