Bajram Gecaj, ish-këshilltar i ish-kryeministrit Isa Mustafa, vazhdon ta sheh të përzgjedhurin e Haradinajt për Demkaracionin Shpejtim Bulliqin , njëherit kolegun e tij partiak si njeri jo të denjë për t’u marrë me çështjet nacionale.
Gecaj, së fundmi ka ironizuar me Bulliqin pasi ky i fundit e shpërndau në rrjetet sociale një lajm ku fokus është një deklaratë e bërë për Demarkacionin nga komandanti i Komandës së Forcave të Përbashkëta në Napoli, Admirali James G. Foggo.
“Shpë(j)timi – nxjerrje fjalësh nga konteksti!
Shpejtim Bulliqi qenka ekzaltuar me deklaratën e mëposhtme të gjeneralit Amerikan aq shumë saqë e paska shpërndarë në rrjetet sociale. Kjo vërtetë provon se sa e dëmshme është kur lejojmë që një person me diapazon të tillë intelektual të merret me çështje të rëndësisë nacionale. Mos paska pritë Bulliqi që gjenerali ti thotë se duhet nisur luftën me shtetin fqinjë!
Komandanti i Forcave të përbashkëta të NATO-s, James Foggo: ‘Të kesh një anëtare të NATO’s në kufi siç është Mali i Zi, është një gjë e mirë për Kosovën. Në këtë aspekt unë pres që të ketë dialog produktiv mes qeverisë së Kosovës dhe Malit të Zi’”, ka shkruar Gecaj në Facebook.
Kujtojmë se edhe në të kaluarën jo pak janë përplasur Gecaj e Bulliqi për çështjen e Demarkacionit, ku nuk kanë kursyer akuza të llojllojshme mes vete. /tesheshi.com/
