Ish-kancelari gjerman Gerhard Schroder ndodhet në spital për shkak të një gjendjeje jo të mirë shëndetësore.
Raportohet se 80-vjeçari ka simptoma të “lodhjes së thellë dhe mungesës serioze të energjisë”, sipas një letre nga mjeku i tij.
Ish-kancelari nga viti 1998 deri në vitin 2005 shkoi në spital me rekomandimin e një mjeku, konfirmoi për DPA-në avokati i Schröder, Hans-Peter Huber.
Organizata Botërore e Shëndetësisë e përkufizon atë që po vuan ish-kancelari si një “dukuri profesionale” që ndodh si pasojë e “stresit kronik të punës që nuk është kapërcyer me sukses”.
Edhe pse Schröder u largua nga pushteti 20 vjet më parë, ai pati një karrierë aktive pas politikës.
Ky politikan, i cili ishte kryetar i Partisë Social Demokrate të Gjermanisë (SPD) nga viti 1999 deri në 2004, është kritikuar rëndë për lidhjet e tij me Rusinë.
Ai ka punuar për disa kompani shtetërore ruse dhe është i afërt me presidentin Vladimir Putin. /tesheshi.com/
