Ish-kancelari gjerman Gerhard Schröder 73 vjeç, do të martohet këtë vjeshtë për herë të pestë. E përzgjedhura e tij është 47-vjeçarja Kim So-Jeon nga Koreja e Jugut.
Schröder tha në një konferencë shtypi në Seul se vendi dhe data e dasmës nuk ishin caktuar ende, por se ai kishte takuar familjen e bashkëshortes së ardhshme, e cila është një përkthyese me profesion.
Nuk ishte një vendim i lehtë të kaloj shumicën e kohës në Kore, tha Schröder, dhe shtoi se ai do të donte të mësonte më mirë gjuhën koreane dhe të udhëheqte një jetë normale në atë vend.
Ai njoftoi se me ftesë të Komitetit Olimpik Ndërkombëtar, ai do të merrte pjesë në hapjen e Olimpiadës Dimërore më 9 shkurt.
Kjo do të jetë martesa e pestë për Schröder. Sipas Bild, Schröder zbuloi në vjeshtë romancën me 47-vjeçaren nga Koreja së Jugut.
Ata të dy kanë fëmijë me partnerët e tyre të mëparshëm. Në një intervistë për revistën Bunte, kohët e fundit Kim tha se çifti ende nuk kishte vendosur se ku do të jetonin.
“Gjermania gjithmonë do të jetë shtëpia dhe qendra e jetës së Gerhard Schröder, ashtu siç është Koreja atdheu im”, tha ajo në atë kohë. /tesheshi.com/
