Një prej boksierëve më të dashur britanikë, Ricky Hatton është gati të rikthehet në ring për t’u ndeshur me Rio Ferdinand.
Deklarata e bujshme është publikuar nga të gjitha mediat britanike të enjten, pasi ish-kampioni i botës ishte tërhequr nga boksimi 5 vite më parë. Hatton ka pranuar se nuk i kishte shkuar ndër mend një rikthim në sportin që e bëri për shumë vite më të mirin e botës dhe më të dashurin për tifozët britanikë, por ideja e ish- futbollistit Ferdinand për t’u marrë me boks, e kishte tunduar keqaz.
E ky tundim nuk ka thjesht shkaqe “profesionale” e nuk bëhet thjesht për të shëruar ndonjë lëndim të sedrës së ish-kampionit të botës. Por rivaliteti që ai kërkon të krijojë në ring, lidhet edhe me faktin se Hatton është një tifoz i Mancester City, e do të donte “si dreqi” t’i jepte ca grushta “hundëve, një ish-futbollisti të Manchester United.
Pra, nëse sfida realizohet, përveçse si duel ish-kampionësh do të komentohet edhe si “sherr ultrasish”, nisur nga rivaliteti që egziston mes skuadrave të futbollit të qytetit të Manchesterit.
Ndërkohë Rio Ferdinand po vijon të stërvitet nga një tjetër ish-boksier, si Richie Woodall, me qëllim që të arrijë të marrë licensën e boksierit profesionist, edhe pse është në moshën 39-vjeçare. /tesheshi.com/
