Ish-imami Shefqet Krasniqi i cili doli i pastër nga akuzat që ju ngritën prej drejtësisë kosovare ka thënë se e ka ditur nga fillimi se është i pafajshëm dhe këtë sipas tij e kanë ditur edhe ata që e arrestuan katër vite më parë.
Krasniqi, në një intervistë për televizionin publik (RTK) ka thënë se shteti nuk është dashur të akuzojë atë, por ta konsultojë atë.
“Ne para se të besojmë në pafajsinë tonë, kemi besuar në Zotin. Procesi nuk më ka frikësuar asnjë fije, syri nuk më është trembur. Asnjëherë nuk kam dyshuar, njeriu e di vetën qysh është. Nga sinqeriteti e kam thënë: ju kam tutë ndërhyrjes politike.
Shefqet Krasniqin nuk kanë pasë nevojë me e marrë, shteti është dashur të konsultohet me Shefqet Krasniqin. Nuk luftohet kanceri duke i burgosur mjekët”, ka thënë ai në emisionin Debat.
Shefqet Krasniqi u arrestua në shtatorin e vitit 2014 nga policia nën tre akuza; për shtytje në kryerje të veprave terroriste, nxitje të urrejtjes dhe shmangie nga tatimi. /tesheshi.com/
https://www.facebook.com/rtklivecom/videos/10155936979843859/
