Ish-imami i Xhamisë së Madhe në Prishtinë, Shefqet Krasniqi, përfundimisht ka fituar betejën me drejtësinë pasi Gjykata Themelore e Prishtinës e ka shpallur të pafajshëm duke e ccliruar nga tre akuza: shtytje për terrorizëm, nxitje të urrejtjes dhe shmangie nga detyrimet fiskale.
Në një prononcim për media, kleriku i njohur tha se e drejtësia doli në pah.
“Kam qenë i bindur, si ju dhe ata që kanë urdhëruar të më arrestojnë, se nëse në vendin tonë ka vetëm një shkëndijë drejtësie puna ime është shumë e qartë dhe pa asnjë shibël do të del në pah. Dhe fal Zotit kjo u vërtetua. Faleminderit që më keni përkrahë, pavarësisht të gjitha lakimeve që kanë qenë herë-herë”, tha Krasniqi, i njohur ndryshe dhe si Doktor Shefqeti mes komunitetit të besimtarëve të Kosovës. /tesheshi.com/
