Ish-guvernatori I Bankës së Shqipërisë, Ardian Fullani tashmë është i pandehur edhe zyrtarisht për dy akuza, “shpërdorim detyre” për mosveprim në rastin e vjedhjes së 713 milionë lekëve nga Ardian Bitraj, si dhe për rastin e procedurave të tenderimit për blerjen e “Hotel Dajtit”.
Ish-guvernatori u paraqit në mjediset e prokurorisë së Tiranës, ku i është komunikuar zyrtarisht akuza.
Ai ka qëndruar vetëm pak minuta në ambientet e Prokurorisë, ku pasi ka firmosur dosjen në ngarkim të tij, është larguar duke mos dhënë asnjë deklarim përpara prokurorëve.
Hetimet janë mbyllur një vit pas shpërthimit të skandalit të vjedhjes së Thesarit të Shtetit, ku autori kryesor është Ardian Bitraj, i dënuar me 20 vite burg nga gjykata, ndërsa bashkëpunëtorja e tij, Mimoza Bruzia u dënua me 15 vite./tesheshi/
