Beqir Shkreli, ish-gazetari i Zërit të Popullit i cili tashmë jeton në SHBA si qytetar amerikan, ka publikuar një status mjaft të fortë të ish-drejtorit të CIA-s, John Brennan ndaj presidentit Donald Trump, pas shkarkimit të numrit dy të FBI-së dhe një nga ekspertët më të njohur të sigurisë.
“Në koshin e plehrave të historisë?!
Kur ryshfetet, poshtërsia morale dhe korrupsioni tënd politik të bëhen gjerësisht të njohura publikisht, ti do të marrësh vendin e merituar si demagog i diskredituar në koshin e plehrave të historisë. Ti mund të bësh fajtor e dënosh Andy MCcabe por Amerikën nuk e shkatërron dot…Amerika do të triumfojë mbi ty.”, shkruan Brennan
Shkreli, i cili është një përkthyes i sprovuar nga anglishtja në shqip, e ka nënvizuar jo më kot këtë reagim, që duket se përbën nivelin më të lartë të reagimit ndaj presidentit aktual amerikan nga një prej njerëzve me reputacion mjaft të madh.
Brennan, njihet si një nga ekspertët më të njohur dhe veteran të komunitetit të inteligjencës. Ai ka punuar mbi 40 vjet në CIA dhe ka punuar si drejtues ë disa periudha dhe u ka shërbyer presidentëve të ndryshëm. /tesheshi.com/
