Ka folur për herë të parë për vrasjet më 21 janar, ish-gardisti i grupit të zjarrit Agron Malaj, sot kryebashkiak i Matit nën siglën e PS-së.
Sipas tij, ka patur urdhëra me gojë për zjarr por jo me shkrim. 
“Ka pasur në radiourdhra për zjarr, por ky urdhër nuk mund të jetë thjesht verbal, pasi kish shumë urdhra në radio në momentet e tensionit dhe personat nuk identifikoheshin. Nëse unë për shembull i jap urdhër për zjarr snajperëve që kisha vendosur lart, duhet të identifikohesha me kodin tim”, shjegoi Malaj në një speciale për ngjarjen e 10 viteve më parë, tranmetuar në Real Story të Sokol Ballës.
Interesant ka qenë fakti se porta e hekurit e rrethimit të kryeminsitrisë, sipas tij, nuk është hapur nga protestuesit.
“Gjatë hapjes se portës pati një gabim, pasi as nuk u hap nga protestuesit por nga fotografi i gardës për të dokumentuar veprimet e protestuesve. Më pas, në rrëmujë ngeli ashtu dhe u shty nga protestuesit.
Në momentin e hapjes së portës patëm thyerje të perimetrit të parë të sigurisë. Ne kishim 3 perimetra: 1 – porta, 2 – teli me gjemba, 3 – pedana.
Por një trupë e specializuar edhe turmën duhet ta presë sipas agresivitetit, pra një turmë pa armë nuk e pret dot direkt me zjarr. Edhe kur hyri makina, prapë nuk mund të hapësh zjarr direkt, pasi hapja e zjarrit ka qenë individuale. Ne u bëmë instruktazh trupave (e ka edhe prokuroria) që zjarri hapet me urdhër, por përgjegjësia e hapjes së zjarrit është individuale”, shpjegoi njeriu që ka ngjallur debat nga fakti se nga gardist kaloi në politikë.
Kryeminsitri Rama i cili e përgjodhi Malajn për të qeverisur Matin, e ka përligjur këtë me faktin se ish-gardisti nuk ka shtënë mbi njerëz atë ditë. /tesheshi.com/
