Ish-fituesi olimpik, gjerman Christian Schenk pranoi se ai përdori doping në karrierën e tij sportive.
Tani 53-vjeçar, Schenk, pas 30 vitesh ka dhënë një intervistë për Frankfurter Allgemeine Zeitung, duke pranuar se ai e ka përdorur substanca të paligjshme dhe se tani është duke luftuar me një numër problemesh psikologjike.
“Unë vuaj nga depresioni i rëndë, kam luftuar me mendime të zeza, kam menduar dhe për të vrarë veten”, tha Schenk, autobiografia e të cilit do të dalë muajin e ardhshëm, duke theksuar se dopingun e kishte përdorur kur ishte 20 vjeç.
Ai shtoi se fillimisht mohoi marrjen e substancave të ndaluara.
“Pastaj fillova të përdor një justifikim pak më të butë, që kurrë nuk më pëlqeu. Natyrisht, të dyja pretendimet ishin një gënjeshtër”, tha Schenk.
Schenk fitoi medaljen e artë në Lojrat Olimpike në Seul në vitin 1988 për Republikën Demokratike Gjermane. Për Gjermaninë e bashkuar, ai fitoi një bronzi në Kampionatin Botëror të 1991 në Tokio, dhe sërish një bronz në Kampionatin Europian në vitin 1990 në Split. /tesheshi.com/
