Ish-emisari i SHBA-së në Ballkan, Edëard Joseph, ka deklaruar se sa më shpejt Kosova të integrohet në bashkësinë ndërkombëtare, kjo do të jetë më mirë për shqiptarët, serbët dhe gjithë rajonin.
Joseph, i cili tani është profesor në Universitetin “Johns Hopkins”, ka thënë se sikur dhe në rastin e çështjeve të tjera të hapura, siç është emri i Maqedonisë, situata jostabël në Bosnje, stërzgjatja e njohjes së plotë të Kosovës vetëm sa do ta shtojë destabilitetin në Ballkan, transmeton Indeksonline.
Sipas vlerësimi të tij, në këtë mënyrë nxiten kombinacione të ndryshme politike dhe ëndrra, përfshirë edhe ato për ndarje që do ta shtonte dhe më shumë destabilitetin e Maqedonisë.
Ai mendon të jetë e kuptueshme pse Beogradit s’i pëlqen ideja e integrimit të plotë ndërkombëtar të Kosovës.
“Megjithatë, refuzimi i kësaj qasjeje, do të thotë zgjatje e destabilitetit aktual. Realiteti nuk është gjithmonë i këndshëm e pranimi i tij është gjithmonë më produktiv se sa refuzimi”, mendon Joseph. /tesheshi.com/
