Njeriu që zëvëndëson Ogerta Manastirlliun në krye të Qendrës Spitalore Universitare, do të jetë ai që për shumë vite drejtoi një pjesë të Top Media-s, si Top Albania Radio e më pas Top Channel, Enkel Joti, i larguar kohë më parë nga kjo detyrë.
Joti, i njohur si mik i afërt i të ndjerit Dritan Hoxha, ish-themeluesit dhe ish-presidentit të Top Media-s, e nisi karrierën e tij në krye të një media-je duke drejtuar fillimisht Top Albania Radio.
Pas një periudhë tërheqjeje, ku u zëvëndësua nga Petrit Beci, Hektor Pustina apo Xhevdet Ferri, Joti u kthye sërish për të drejtuar Top Channel, derisa u shkëput përfundimisht nga kjo kompani muaj më parë.
Tashmë, ai do drejtojë një sektor pa asnjë lidhje me median, atje ku pati përvojën më të madhe si ekonomist. /tesheshi.com/
