Ish-zv.drejtori i CIA-së, Steven Meyer, ka deklaruar se në Ballkan do të ketë ndryshim të kufijve.
Në një intervistë për “Veçernje Novosti”, ka thënë se do të ketë ndryshim të kufijve të Bosnjës dhe Hercegovinës, Kosovës dhe Maqedonisë.
Sipas Meyer, Maqedonia është më kritike për shkak se ka përplasje shqiptaro-maqedonase, por edhe përplasje ndërmjet maqedonasve.
“Vendi më i rrezikshëm në Ballkani tani është Maqedonia, jo vetëm për shkak të problemeve të shqiptarëve etnik dhe ortodokse të Maqedonisë, por edhe për shkak se në mesin e ortodoksëve në Maqedoni ka mosmarrëveshje”, ka thënë Meyer në një intervistë për “Vecernje Novosti”.
Gjithashtu Meyer ka parashikuar vetëm mbijetesën e Republikës Serbe, ndërsa është pyetur se në cilën formë.
“Në të ardhmen ne presim dhe një marrëveshje shumë të lirshme ndërmjet tyre. Të gjitha vendimet do të bëhen në nivel të entiteteve”, ka shtuar Meyer.
Ish-kreu i CIA-s, tha se në Bosnjë do të mbijetojë Republika Serska, por në ndonjë formë tjetër, dhe shtoi se nuk ka ndërruar aspak politika amerikane ndaj Kosovës.
/tesheshi.com/
