Armando Prenga, deputeti i “listës kriminale” të parlamentit nga e majta, i ka thënë lamtumirë të qënit deputet, pas një letrë dërguar kreut të Kuvendit, Ilir Meta, me anë të së cilës i ka kërkuar dorëheqjen e vullnetshme. Këtë akt ai e ka përligjur me nevojën që familja e tij të ndihet e qetë.
Ndërsa sa i përket akuzave që i janë adresuar, Prenga thotë se janë shpifje të opozitës. Gjithashtu, në letër ai pretendon se ligji i dekriminalizimit nuk mund ta kapë për një gjobë që paska marrë dikur.
Por dosja e Prengës, sipas të dhënave zyrtare të ardhura dhe nga drejtësi italiane, është përplot me vepra penale. Ndërsa dy vite më parë ai do përfshihej dhe në një incident me armë në plazhin e Patokut për shkak të një prone.
Që atëherë PS e përjashtoi nga radhët e grupit të saj parlamentar duke mbetur si deputet i pavarur. Emri i tij si element kriminal nisi të lakohej nga opozita pas një incidenti mes tij dhe kolegut demokrat, Gent Strazimiri në banjot e parlamentit, ku u tha se e ka goditur këtë të fundit me rrip pantollonash. Më pas ai qëlloi me grusht kolegun Paloka.
Armando Prenga ishte deputet i Kurbinit dhe në asnjë rast nuk i shfaq për të folur apo debatuar mbi një çështje. /tesheshi.com/
