Koalicioni qeverisës PDK-LDK, duhet të reflekton vet dhe mos të pret kërkesë të partnerëve ndërkombëtar për dorëheqje. Kështu, thotë në një intervistë të dhënë për portalin tesheshi.com ish-deputeti dhe ish-nënkryetari i Kuvendit, Naim Maloku. Ai e quan të pasinqertë ftesë e kryeministrit për dialog me opozitën.
Po ashtu, flet edhe për vizitën e sekretarit amerikan Kerry që zhvilloi të mërkurën në Kosovë, mesazhet që aim und t’ia ketë përcjellë liderëve kosovarë, si dhe për emërimet e fundit të gjyqtareve të Gjykatës Kushtetuese.
Intervistoi: Blendi Gashi
Si e vlerësoni ftesën e kryeministrit Mustafa për dialog me opozitën. Është kjo mënyra që duhet ftuar apo jo?
Ftesa e kryeministrit drejtuar opozitës për dialog duket sa e pasinqertë aq edhe shprehje e injorimit të shkaqeve të krizës politike në të cilën po kalon vendi.
Ai, pra kryeministri, duhet të merret me shkakun e krizës. Me marrëveshjen e Brukselit është shkelur rëndë Rezoluta e Kuvendit të Kosovës për bisedimet me Serbinë.
Ekipi negociator i Kosovës i ka tejkaluar kompetencat e përcaktuara me Rezolutën e Kuvendit si kornizë e bisedimeve me Serbinë.
Kryeministri nuk ka pranuar që marrëveshja me Serbinë të vihet në debat për ratifikim në Kuvend dhe me këtë në mënyrë transparente të ballafaqohet me shkeljen e Rezolutes së Kuvendit. Por, ka dashur që vetëm të njoftohet Kuvendi për marrvëshjen dhe pa debat dhe votim.
Çështja tjetër ka të bëjë me marrëveshjen për Demarkacion me Malin e Zi, kur është nënshkruar e njëjta në Vjenë, kryeministri pati deklaruar që e njëjta nuk ka nevojë të ratifikohet në Kuvend që paraqet precedent në shtetet demokratike dhe parlamentare, dhe një veprim i tillë nuk ka bazë Kushtetuese dhe përbën shkelje të saj. Pra nuk mund të jetë e plotëfuqishme ajo marrëveshje pa e ratifikuar në Kuvend. Për këtë ftesa e kryeministrit për dialog është jo e sinqert dhe tallje me opoziten.
Sekretari amerikan Kerry, dje ishte për vizitë në Kosovë. A mund t’i ketë kërkuar Mustafës që sa më parë të gjindet një zgjidhje?
Sekretari amerikan Kerry me vizitën, edhe pse të shkurtër në Kosovë ka vërtetuar edhe njëherë përkushtimin e SHBA-së, për Kosovën dhe paraqet edhe një dëshmi që përkundër të gjitha problemeve madhore globale me të cilat përballet Amerika, vëmendja e saj për Kosovën nuk është hequr.
Mendoj që në rëndë të parë ka qenë tema për rrezikun global që paraqet sot ISIS dhe fuqizimi i vendosmërisë së Kosovës në luftimin e këtij rreziku.
Edhe ftesa e NATO-s për Malin e Zi, mendoj që ka qenë njëra ndër arsyet shtesë të vizitës së Kerryt në rajon.
Mendoj, që ka pasur edhe kërkesë dhe sygjerime për gjetjen e mundësisë së daljes nga kjo krizë politike e mbrendshme, për mendimin tim krizë ndërshqipetare, dhe efektin e saj duhet ta shohim.
Fakti që nuk është ftuar ndonjë përfaqësues i opozitës mendoj që përgjegjësinë për daljen nga kjo krizë z.Kerry e drejtoj në pozitën, jo vetëm përkrahje e pozitës por më tepër përgjegjësi e saj.
Kërkesa për luftë më të ashpër kundër krimit të organizuar dhe përshpejtimin për Gjykatën Speciale duhet sipas mendimit tim, të merren seriozisht si kritika të rënda për Qeverine e Kosoves. Pres që Qeveria të reflekton seriozisht me sinqeritet, përgjegjësi shtetërore dhe vendosmëri ndaj këtyre kërkesave.
Kah po shkon vendi, si e shihni daljen nga kriza politike. A po rrëshqet vendi drejt zgjedhjeve të reja, nëse po, kur mund të mbahen ato?
Mendoj që tani topi është krejtësisht në anën e pozitës dhe nëse ajo, nuk sillet me përgjegjësi atëherë kriza do të thellohet dhe humbja e përkrahjes nga partnerët në rend të parë SHBA-ja, mund të sjellë situatën kur Qeveria detyrohet të dorëhiqet.
Gabim i madh kishte me qenë nëse pozita nuk i lexon drejt vërejtjet dhe sugjerimet e Kerryt.
Mendoj që një prej hapave të mundshëm me dalë nga kjo krizë kishte me qenë oferta e pozitës për një qeveri kalimtare me afat p.sh . dy-vjeçar dhe me detyra dhe obligime të qarta në formë të marrëveshjes në të cilën patjetër të përfshihet edhe reforma zgjedhore, për shkak se mendoj që sistemi zgjedhor është shkaku kryesor i këtij kualiteti të dobët në përfaqësimin në Kuvend.
Sipas jush cili ishte mesazhi që i dha politikës kosovare sekretari Kerry?
Mesazhi ishte për qytetaret e Kosovës, për miqtë, por më tepër për armiqtë e Kosovës që nuk është zbehur vëmendja e SHBA-së ndaj Kosovës dhe që nuk do të ndryshon qëndrimi i Amerikës për pavarësine dhe stabilitetin e Kosovës.
Nëse Qeveria nuk e ka kuptuar përgjegjësinë e saj, atëherë vijnë partner tjerë.
Qeveria duhet ta dije se ‘Vetëvendosje”-s, i mungon vetëm një marrëveshje me faktorin ndërkombëtar, SHBA-në, në rend të parë, vetëm në dy çështje dialogu me Serbinë dhe zbutja e teorisë për Bashkim Kombëtar. Për shkak të vet planit të Ahtisarit mbi të cilin edhe është pranuar pavarësia (jo bashkim me shtetet fqinje) për të tjerat VV, nuk ka hipoteka as për Gjykatën Speciale, për krim të organizuar apo korrupsion.
Sa mund të jenë të paanshme vendimet e Gjykatës Kushtetuese kur në këtë institucion zgjidhet gjyqtare një kandidate që ka qenë pjesë e listës zgjedhore të partisë në pushtet (LDK)?
Nuk mund të jetë Gjykata e besueshme me gjyqtarë militantë të partive në pushtet. Votimi në Kuvend vetëm e ka dëmtu shumë imazhin e partive në pushtet. Unë nuk e besoj që do të emërohet ajo gjyqtare.
Për fund, cili është mesazhi i juaj si për pushtetin ashtu dhe partitë opozitare?
Mesazhi im është që koalicioni qeverisës të reflekton vet dhe mos të pret kërkesë të partnerëve ndërkombëtar për dorëheqje. Dialogu i sinqert nuk ka alternativë. /tesheshi.com/
