“Maqedonia duhet një çast e më herët të bëjë qeveri pa VMRO-DPMNE-në dhe Nikolla Gruevskin, ndërkaq ata t’i dërgjojnë në vendin e vërtetë, në Gjykatë dhe histori”, ky është qëndrimi ish deputetit dhe ish-kryetar i Kuvendit të Maqedonisë, Tito Petkovski shprehur së fundi në kuadër të një situate të tendosur në politikën e Shkupit, teksa kanë mbetur dhe tre ditë nga përfundimi i afatit kushtetues për formimin e qverisë së re, mandatin e së cilës e ka në dorë prej dy javësh Nikola Gruevski.
“Nëse VMRO-DPMNE sërrish arrin të formojë qeveri me partnerët e vjetër, atëherë kriza politike në vend që të tejkalohet ajo edhe më shumë do të thellohet”, deklaroi Petkovski, duke e shprehur hapur qëndrimin e tij kundër riqeverisjes nga ana e partisë së Gruevskit.
Ai theksoi se VMRO-DPMNE, gjatë tërë këtyre viteve ka qeverisur si vëllazëri parapolitike, me institucione ku dominojnë lidhjet farefisnore të tipit “kushëri”, “dhëndurë”, “djem”, “vajza”, baxhanakë” etj.
Nëse deri të dielën Gruevski nuk e formon dot qeverinë, për çka i mban sytë nga BDI-ja e Ali Ahmetit, mandati i kalon rivalit të tij, Zoran Zaev dhe partisë së tij, LSDM. /tesheshi.com/
