Ish-agjenti i Mossad-it izraelit, njeriu që drejtoi arrestimin e hierarkut nazist Adolf Eichmann, sot lavdëron Alternativa fur Deutschland, të djathtën ekstreme gjermane, e akuzuar për ksenofobi dhe antisemitizëm.
AFD ka deklaruar se Memoriali i Shoah në Berlin është një “turp”.
Rafi Eitan, ish-agjent i Mossad-it, ish-ministër dhe atualisht kryetar i partisë centriste Dor në Izrael, ka shkaktuar skandal në vendin e tij, ku në faqen e Facebook ka komplimentuar AFD-në dhe thekson shpresën e tij se “ajo të bëhet një alternativë e vërtetë për Europën”.
Në mënyrë të çuditshme, ai lavdëron ksenofobët gjermanë për sulmin që po iu bëhet muslimanëve në Gjermani.
“Gjenerata e re e muslimanëve në Europë po krijon kushtet për një imperializëm islamik. Aty ku ka shumë muslimanë, ekzistojnë kushtet për sulme terroriste në Europë. Duhet të mbyllen kufijtë për muslimanët sa më shpejt. Dhe AFD po e bën këtë”, shkruan Etan.
Ka qenë i menjëhershëm reagimi i ambasadorit izraelit në Gjermani, Jeremy Issacharoff, i cili në twitter ka sulmuar fort qëndrimin e ish-agjentit të shërbimit sekret izraelit.
“Nuk arrij të kuptoi se si që njeriu që arrestoi një drejtues të nazistëve, admiron sot pasardhësit e nazistëve që glorifikojnë atë epokë. Sa turp!”.
Pas polemikave, Eitan ka justifikuar në fillim deklaratat e tij (“Kanë kaluar tre breza nga holokausti dhe bota e gjitha po ndryshon”) dhe më pas ka shtuar: “Kujtova se mendimi im ishte korrekt por ngaqë ka pasur shumë reaksione po bëj një hap prapa”. /tesheshi.com/
