Një deklaratë e thënë me gjysëm fjale nga trajneri i Realit të Madridit, Zinedine Zidane, se Isco mund të shitet, “u ka prishur gjumin” disa prej klubeve kryesore europiane.
Përveç klubeve britanike, Liverpool, Arsenal e Manchester City, mediat spanjolle bëjnë të ditur se fantazisti është dëshirë e fortë e Bayern Munich, të cilët e kërkojnë në mënyrë të përsëritur spanjollin.
Sipas prestigjozes “AS”, klauzola për Iscon është e pranueshme dhe spanjolli do të konsiderohej blerja e madhe që i ka munguar bavarezëve.
Ndërkohë, sipas mediave në Madrid, Isco ka qenë një lojtar jo i pëlqyer edhe nga Cristiano Ronaldo, i cili sugjeroi që spanjolli të shitej e James Rodriguez të qëndronte. Por diçka e tillë nuk është marrë parasysh, e tashmë situata ka krijuar tension.
Megjithatë fjalën e fundit do ta thotë vetë klubi i Realit të Madridit, i cili e ka vlerësuar maksimalisht një prej talenteve më të mëdha të futbollit vendas. E ndoshta, në varësi edhe të rezultateve, mes Isco e Zidane, nuk do të qe cudi të sakrifikohej francezi. /tesheshi.com/
