Kreu i LDK-së, Isa Mustafa, ka komentuar votën e Teuta Rugovës, vajzës së ish-presidentit Ibrahim Rugova, pro kërkesës së koalicionit PAN për një afat shtesë me 2 orë , për konsultime në seancën konstitutive të 3 gushtit.
Mustafa ka thënë se pret nga Teuta që ta respektojë partinë me të cilën ajo mori votat.
“Konsideroj se zonjusha Rugova duhet të respektojë partinë te e cila ka marrë votën. Por ne nuk mund të detyrojmë asnjë deputet që të mos votojë ashtu si do vet, sepse Kushtetuta dhe ligji ia lejon çdo njërit që të votojë në përgjegjësinë e vet”, ka deklaruar Mustafa.
Në seancën e parë konstituive të thirrur nga presidenti, Teuta Rugova dha votën pro shtyrjes së seancës, ndërsa pothuajse është e konfirmuar se ajo do të votojë pro për kandidatin për kryetar Kuvendi dhe për qeverinë e koalicionit PAN. /tesheshi.com/
