Kreu i LDK-së Isa Mustafa, tha se vijon përpjekja për një marrëveshje me Vetëvendosjen për ndarjen e pushtetit, e shtoi se në të kundërt, LDK, nëse VV nuk i përgjigjet kërjesave, ajo do të tërhiqet nga një marrëveshje e mundshme e koalicionit.
“Ne mbetemi të interesuar dhe të përkushtuar t’i japim vendit një zgjidhje. Ne jemi të gatshëm të vazhdojmë të kërkojmë një zgjidhje. LDK bie dakord që qeveria të ndahet në mënyrë proporcionale në mënyrë që të dy palët të marrin pesë ministri. Ne u pajtuam që Kryeministri dhe një Zv/Kryeministër t’i përkasin Vetëvendosjes, dhe kreu i Parlamentit t’i jepet LDK-së”, u tha Mustafa gazetarëve në Prishtinë.
Duke deklaruar se Presidenti është propozuar nga LDK dhe se kandidati “duhet të pranohet nga Vetëvendosje, pasi i plotëson të gjitha kriteret kushtetuese”, Mustafa njoftoi se pas zgjedhjes së Presidentit të Kosovës, LDK-ja “do të heq dorë nga një ministri për t’ia lënë Vetëvendosjes”.
“Ne kemi llogaritur të gjitha këto variante. Kur të marrim detyrën e Presidentit të Kosovës, Vetëvendosje do të ketë më shumë funksione, domethënë shtatë pozicione në qeveri, si dhe dy nënkryetarë të Kuvendit të Kosovës”, tha kreu i LDK-së.
Mustafa gjithashtu tha se ishte i gatshëm të “heqë dorë nga gjithçka” dhe të shkojë në opozitë nëse Vetëvendosja nuk e pranon propozimin, por shtoi se LDK do të “votojë pa asnjë kusht” për institucionet që do udhëheqë Vetëvendosje.
Nga ana tjetër, kryeministri në pritje Albin Kurti, tha mbrëmë se nuk kishte asnjë marrëveshje për koalicionin qeverisës me LDK, e shtuar se nuk dëshiron zgjedhje të reja.
Ai njoftoi në Facebook se Vetëvendosja kishte bërë pesë kompromise, “por që Lidhje Demokratike e Kosovës nuk ishte e gatshme për to”.
Ai shtoi se dëshiroi që të formohet një qeveri e re këto ditë, por gjithashtu tha se do të ketë “më shumë pritje për të”.
“Pritja i kushton shtetit tonë, shoqërisë, ekonomisë, por ne jemi të detyruar të presim sepse nuk duam zgjedhje të reja. Ne duam institucione të reja, dhe këtë mund ta arrijmë vetëm nëse bisedimet për formimin e një qeverie udhëhiqen nga vlerat e transparencës, drejtësisë dhe një ndjenjë të detyrës qytetare dhe atdhetare”, tha Kurti. /tesheshi.com/
