Në mbledhjen e sotme të qeverisë, kryeministri Isa Mustafa në emër të saj ka shprehur keqardhjen për zhvillimet e fundit në Kuvend duke thënë se dhuna e opozitës nuk i shërben popullatës.
Kreu i ekzekutivit kosovar ka kërkuar nga organet e rendit që të kryejnë punën e tyre lidhur me këtë rast dhe njëherësh ka bërë thirrje për zhbllokimin e Kuvendit.
Mustafa ka theksuar se veprimet e tilla dëmtojnë rëndë imazhin e Kosovës, ndërkohë që ka shprehur gatishmërinë për t`iu përgjigjur Kuvendit për çdo çështje.
“Jemi të gatshëm për debat në Kuvend për marrëveshjet e fundit”, ka shtuar Mustafa,
Kreu i ekzekutivit ka deklaruar se nuk pranon ultimatume, duke theksuar se Kosova duhet të sillet si shtet./tesheshi.com/
