Ndonëse janë shtuar zërat se marrëveshja për Demarkacionin me Malin e Zi do dërgohet javën e ardhshme në Kuvend për ratifikim, kjo pasi tashmë deputetët e Listës Serbe janë kthyer në institucione, kryeministri Mustafa vazhdon të nagcmojë opozitën duke thënë se asnjë kauzë politike nuk duhet të mbajë peng lëvizjen e lirë të qytetarëve.
“Vazhdimi i sjelljes së tillë është verbëri dhe papërgjëgjësi e madhe politike ndaj interesave të vendit dhe ndaj asaj çfarë ne do t’u ofrojmë qytetarëve tanë, prandaj shpresoj që ne do ta kapërcejmë këtë situatë dhe qytetarëvë tanë t’u mundësohet që ata të udhëtojnë lirshëm”, tha Mustafa, në njëvjetorin e hyrjes në fuqi të Marrëveshjes së Asociim-Stabilizimit dhe kur po shënohet pranimi i Doganës në Organizatën Botërore të Doganave.
Ai më tej shtoi se nuk sheh arsye që vetëm qytetarët e Kosovës të kenë regjim vizash.
“Si Kryeministër i vendit nuk shoh asnjë arsye normale dhe as logjike që qytetarët tanë të vazhdojnë të jenë të izoluar, të vetmit në Europë me regjimin e vizave”, tha Mustafa.
Pavarësisht thirrjeve të mazhorancës partitë opozitare kanë paralajmëruar se do ta kundërshtojnë fuqishëm miratimin e marrëveshjes për Demarkacionin duke paralajmëruar edhe protesta dhe rikthimin e gazit lotsjellës. /tesheshi.com/
