Deputeti nga rradhët e LDK-së, Arben Gashi ndonëse nuk ka adresuar një kërkesë të drejtëpërdrejt për kreun e partisë së tij Isa Mustafa, ka shprehur haptaz pakënaqësinë e tij ndaj qeverisë për heshtjen ndaj ministrave serb që deklaruan se e njohin si kryeministër veç Aleksandër Vuçiqin.
Gashi që nuk ka marrëdhënie të mira me “shefin” e tij të partisë në një postim në Facebook ka shkruar se të gjithë ministrat e komunitetit serb të shkarkohen.
Por, ai ka thumbuar në një mënyrë edhe Vetëvendosje-n duke thënë se edhe deputetët e Kuvendit që nuk e njohin shtetin e Kosovës (mazhoranca akuzon për diç të tillë deputetët e VV-së), duhet ta humbin mandatin.
Sipas Gashit, kjo sjellje përbën shkelje të rëndë të Kushtetutës, dhe për pasojë, ky grup individësh nuk duhet të jenë pjesë e institucioneve. /tesheshi.com/
