Kryeministri Isa Mustafa ka shuar shpresat e opozitës sa i përket rinegocimit të marrëveshjes për demarkimin e kufirit me Malin e Zi.
Sipas tij, janë konsumuar të gjitha argumentet sa i përket kufirit me Malin e Zi dhe s’ka tjetër kufi përveç atij që e kanë konstatuar komisionet shtetërore.
“I kemi konsumuar të gjitha argumentet sa i përket kufirit dhe s’ka tjetër kufi përveç atij që e kanë konstatuar komisionet shtetërore. Nuk ka çka të rinegociohet prapë me Malin e Zi për këtë, nuk kemi asnjë argument shtetëror për t’i thënë Malit të Zi lësho territor sepse ai është territor i joni. Kjo është vetëm kauzë e opozitës dhe asgjë tjetër”, ka deklaruar Mustafa, në një konferencë të mbajtur sot në Prishtinë me ministrin e Jashtëm gjerman, Sigmar Gabriel.
Ndërsa ky i fundit ka kërkuar nga deputetët të votojnë Demarkacionin.
“Është e rëndësishme ratifikimi i demarkacionit me Malin e Zi në Kuvend. Duhet të fiskoni marrëdhënien me Malin e Zi, apeloj te deputetet e Kuvendit për një gjë të tillë, pra ratifikimi i demarkacionit”, deklaroi ministri Gabriel dhe shtoi se nuk do ketë liberalizim vizash nëse nuk ndodh një gjë e tillë. /tesheshi.com/
