Isa Mustafa, kreu i LDK-së, ka reaguar ashpër në kuadër të komenteve të shumta rreth asaj se çpo ndodh me Kosovën dhe Dialogun e ngecur, e këto pas aktakuzës ndaj Thaçit nga Specialja.
“Vënia e dialogut me Serbinë në kontekstin e Dhomave të Veçanta të Gjykatës Speciale, është e rrezikshme vetëm të mendohet e jo të ndodh.
Gjykata duhet të jetë e pavarur në ndarjen e drejtësisë. Ashtu siç duhet të jetë dialogu i pavarur“, shkruan Mustafa, që më pas sulmon dy diplomatë të njohur, të cilët kanë patur rol e pozita në Kosovë.
“Është vështirë të niset dikush në rrugë për Uashington apo për Bruksel për të dialoguar, me logjikën e komenteve dhe analizave të disa gazetarëve dhe analistëve të jashtëm, edhe me logjikën e Carl Biltd-it dhe Volfgang Petrich-it.
Logjika e parandalimit të ndonjë marrëveshje në Ëashington apo në Bruksel, nuk besoj se është dhe do duhej të jetë logjikë e një Gjykate. Sepse ajo duhet të ndajë drejtësi, për çfarë është themeluar.
Nëse nuk do të ishte kështu, atëherë pa u nisur në rrugë për të shkuar në dialog, duhet t’ia marrësh hallallin familjes. Ec e bëhu trim!”, shkruan Mustafa, partia e të cilit drejton qeverinë, e që do ishte në Dialogun e rikthyer nga SHBA, tashmë të rënë nga proçka me “erë politike” e Speciales.
