Kryeministri kosovar, Isa Mustafa ka tentuar t’i ngjajë homologut të tij në Tiranë, Edi Rama, duke zgjedhur të përgënjështrojë lajmin e një portali me frazën ironike “O portal”, huazuar pra nga ky i fundit i cili e promovoi fort afro 10 ditë më parë në një ballafaqim televizi me analistë kosovare.
Shefi i qeverisë së Prishtinës ka reaguar ndaj një shkrim me titull “Isa Mustafa harxhon 6 mijë euro për t’i pastruar veturat e Qeverisë”.
“Thirrja ‘O portal’ u komentua gjerë e gjatë këto dite. Tani po lexoj në një portal se ‘Isa Mustafa harxhon 6 mijë euro për t’i pastruar veturat e Qeverisë’. Unë i them portalit, se nuk janë këto para të Isa Mustafës, por janë të buxhetit të Kosovës dhe shpenzohen (jo harxhohen sepse nuk janë njësi fizike) me vendim të Kuvendit, i cili ka aprovuar buxhetin për vitin 2016. Janë zyrtarët e caktuar që e kanë përgjegjësinë për pastrimin e veturave të Qeverisë, jo Kryeministri, kurse çmimet i përcakton tregu”, ka qenë shënimi i Mustafës. /tesheshi.com/
