Thirrja e mbledhjes së ekzekutivit kosovar për sot në ora 09:00 të mëngjesit u mendua se pike kryesore do ketë ndërprerjen e bisedimeve me Serbinë, kërkesë kjo e paraqitur me ngulm pas arrestimit të Haradinajt në Francë bazuar në një fletarrest të lëshuar nga Serbia në vitin 2004.
Partia e Ramushit, AAK-ja dje organizoi një konferencë të jashtëzakonshme për media ku kërkesë kryesore përveç lirimit të liderit të tyre kishte edhe ndërprerjen e menjëhershme të dialogut me Serbinë si dhe marrjen e masave të reciprocitetit, pra arrestimin e zyrtarëve serb që hyjnë në Kosovë.
Por, Mustafa në mbledhjen shprehu veç brengën e qeverisë për arrestimin e liderit të Aleancës por nuk e tha asnjë fjalë për ndërprerjen e bisedimeve e lëre më këtë çështje të vendoset në votim.
Ministrja për dialog, Edita Tahiri e pyetur nga mediat ka thënë se është kryeministri ai që vendos për ndërprerjen apo jo të bisedimeve.
Ndërprerjen e bisedimeve pas ndalimit të Haradinajt e kanë kërkuar edhe partia NISMA e Fatmir Limajt, FJALA e deputetit Gëzim Kelmendi, njohës të marrëdhënieve ndërkombëtare dhe analist duke thënë se dialogu nuk ka kuptim të vazhdojë.
