Kryetari i LDK-së, Isa Mustafa, është dorëzuar përballë Vetëvendosjes, me qëllim që të kalojë në opozitë PDK-në dhe Kadri Veselin.
Ndërsa para pak ditësh kërkoi llogari nga Vetëvendosje lidhur me 70 dosjet, duke thënë se le të deklarohet a janë të vërteta apo propagandë, në të kundërtën s’ka marrëveshje me ta, sot kreu i LDK-së në mënyrë të hapur dhe pa kushte i shtriu dorën vetëvendosësve për bashkëpunim për konstituimin e Kuvendit dhe formimin e qeverisë.
Mustafa tha se nëse arrihet pajtueshmëri në programet e dy partive politike është i gatshëm të ndërtojë qeverinë me partinë e Albin Kurtit.
“Do të bëjmë përpjekje të konstituohet Kuvendi dhe të themelohet qeveria, kemi nevojë për qeveri të rregullt. Nuk do ta përkrahim asnjë koalicion me PDK-në, ndërsa me Vetëvendosjen jemi të hapur të bashkëpunojmë të shohim anën programore se sa mund ta përshtatim programin”, tha Mustafa, pasi prezantoi zyrtarisht kandidatin për Prishtinën, Arban Abrashin. /tesheshi.com/
