Kryeministri i Kosovës Isa Mustafa ka ftuar Edi Ramën që në fund të majit të mbajë në Prishtinë mbledhjen e përbashkët mes qeverive të Shqipërisë dhe Kosovës.
Kryeministri i Kosovës, i njohur për tone të kujdesura dhe jo nacionaliste kurrë nuk ka ndërmarë nisma të tilla të quajtura përbashkuese. Por tani që Thaçi u bë Presidenti, kreu i LDK-së po synon të marrë terren tek zona që kërkon bashkimin.
Qeveria e Kosovës në mbledhjen e saj të rregullt të zhvilluar sot, ka diskutuar edhe për përgatitjet për organizmin e mbledhjes së ardhshme të përbashkët në mes të qeverisë së Kosovës dhe Shqipërisë.
Kryeministri Isa Mustafa tha se në takimin e fundit me kryeministrin Shqipërisë, Edi Rama, kanë diskutuar që të mbahet një mbledhje për vlerësimin e zbatimit të marrëveshjeve të arritura nga mbledhjet e kaluara dhe nënshkrimin e marrëveshjeve të reja.
Ai shtoi se me Ramën janë pajtuar që një mbledhje e tillë të mbahet në fund të muajit ose në javën e parë të muajit qershor.
Kujtim Shala, Mahir Yağcılar, Petrit Selimi dhe Hajredin Kuçi do të jenë ministrat që do të merren me përgatitjet për mbajtjen e kësaj mbledhje.
/tesheshi.com/
