Isa Mustafa e ka zgjidhur nyjen e zëvendësimit të Petrit Selimit, i cili është larguar nga detyra e numrit dy të diplomacisë kosovare.
Kryeministri ka emëruar në këtë detyrë, Emanuel Demajn, i cili është në detyrën e Sekretarit të Partisë Shqiptare Demokristiane të Kosovës.
Kjo forcë politike në zgjedhjet e fundit ka qenë në koalicion me PDK-në e Hashim Thaçit, sot President i Kosovës.
Demaj është me profesion gazetar dhe ka qenë kandidat për kryetar komune të Vitisë për Partinë Shqiptare Demokristiane.
Demaj është i martuar he në faqen e tij në FB jep imazhin e një familjari të përkushtuar. Duket se e pëlqen futbollin dhe përpos Kosovës skuadra që bën tifo është Italia, për të cilën ka shprehur dëshirë për fitore në Kampionatin Europian.
/tesheshi.com/
