Pas një pauze Kuvendi i Kosovës do mbajë seancë plenare ditën e enjte, ku do mbahen dy interpelanca të kryeministrit Isa Mustafa, pikërisht ditën kur do të vendoset për lirimin përfundimtar të Ramush Haradinajt apo ekstradimit eventual të tij në Serbi.
Lajmin për mbajtjen e seancës pas mbledhjes së kryesisë e konfirmoi deputeti i Vetëvendosje-s, Driton Çaushi.
“U dakordua për dy interpelanca. E para që ka të bëjë me zhvillimet në veri dhe e dyta në lidhje me ligjin e propozuar për sigurimet shëndetësore. Çështja e zhvillimeve në veriun e vendit është tepër shqetësuese dhe kjo çka po ndodhë është një manipulim i publikut duke tentuar të kthejë sovranitetin mbi veriun e vendit”, u shpreh Çaushi.
Sipas tij kjo ka synim që të fshehë çështjen e bllokimit të urës së Ibrit për vetura dhe Asociacionin me shumcië serbe.
Po këtë ditë deputetët do të flasin edhe për Forcën e Sigurisë së Kosovës. /tesheshi.com/
