Ndërsa kriza politike në Kosovë po thellohet çdo ditë e më shumë, kryeministri Isa Mustafa, në vend që të gjejë rrugën e kompromisit, me deklaratat e pamatura po e acaron edhe më shumë situatën.
Kreu i ekzekutivit kosovar në një konferencë për media theksoi se opozita duhet t’i ushtrojë përgjegjësitë që i takojnë dhe të jetë pjesë e legjislativit të vendit, ndërsa nuk la pa ngacmuar sërish opozitarët duke thënë se koalicioni LDK-PDK do ta realizojë mandatin e plotë, deri në 2018, pa asnjë dyshim.
Me një qasje të tillë, zgjidhja duket e largët, por jo edhe zgjedhjet e parakohshme për çka është i vetëdijshëm edhe Mustafa se situata nuk mund të vazhdojë gjatë të qëndrojë e njëjtë sidomos nëse partite opozitare përfundimisht vendosin të braktisin punimet e Kuvendit. /tesheshi.com/
