Isa Mustafa përfundimisht është dorëzuar pasi ka bërë të ditur sot se ai nuk do të jetë përsëri kandidat i LDK-së për udhëheqës të qeverisë.
Mustafa ka thënë se LDK shkon në zgjedhje të reja me një kandidat të ri për kryeministër.
“Në bisedë me bashkëpunëtorët e ngushtë kemi vendosur që në mandatin e ardhshëm të kemi një kryeministër tjetër. Sepse ne duhet të hapim rrugë në LDK për kuadro. Duhet të hapim rrugë për njerëz të ri. Unë do të ulem me Nënkryetarët e Partisë, me Sekretarin, me kryetarët e Degëve dhe do të dalim me propozim se kush do të jetë kryeministër i ardhshëm i Republikës nga LDK-ja”, ka deklaruar Mustafa.
Ndryshe, kryeministri në largim ka folur fjalë të mira për ministrat dhe deputetët e LDK-së në këtë mandat. /tesheshi.com/
