Krerët e institucioneve të Kosovës vazhdojnë të japin deklarata kundërthënëse sa i përket shuarjes apo jo të strukturave paralele serbe në veri të Mitrovicës.
Kryenegociatorja Edita Tahiri në një intervistë dhënë në muajin korrik deklaroi se “tashmë është shuar policia paralele, strukturat e drejtësisë paralele dhe mbrojtja civile”.
Por, e njëjta ministre në seminarin e 93-të “Rose-Roth” që u mbajt më 23 tetor pranoi se “Serbia vazhdon t’i mbajë disa struktura paralele ilegale”,
Se strukturat ilegale vazhdojnë të funskionojnë në veri e pranoi sot edhe kryeministri Isa Mustafa, i cili është u shpreh i pakënaqur me procesin e bisedimeve me Serbinë, pasi tha se “në Kosovë ende nuk kanë arritur të shuhen strukturat paralele”. Mustafa këto komente i bëri në konferencën “Ecje nëpër akull: Kushtëzime, sfida dhe reforma drejt BE-së”, të organizuar nga Fondacioni i Kosovës për Shoqëri të Hapur dhe Grupi për Studime Juridike dhe Politike.
Ndryshe, siç dihet problem Isa Mustafa po i bëjnë edhe ministrat e tij serb dhe zëvendësi i tij Branimir Stojanoviq të cilët ka kohë që veprojnë kokë më vete dhe nuk i përgjigjen fare kryeministrit për punët ditore, që në vazhdimësi janë kundër interesave të shtetit të Kosovës. /tesheshi.com/
