Ministri izraelit i Mbrojtjes Benny Gantz mohoi t’i shiste armë Ukrainës në mes të pushtimit rus në territorin ukrainas, raporton Anadolia.
“Ne nuk po i shesim armë Ukrainës,” tha Gantz në një intervistë me radion ultra-ortodokse hebreje Kol Chai.
Ai theksoi gjithashtu se Tel Avivi nuk i kishte shitur armë Ukrainës më parë.
Ministri i Çështjeve të Diasporës, Nachman Shai, i bëri thirrje të hënën qeverisë izraelite që të dërgojë armë në Ukrainë në përgjigje të raporteve për dërgimin e raketave iraniane në Rusi.
Duke komentuar deklaratat e ministrit Shai, Gantz tha se komente të tilla janë të gabuara.
“Ai e ka gabim. Unë jam ministri i Mbrojtjes që jam përgjegjës për eksportin e armëve izraelite”, tha ministri Gantz.
Në përgjigje të deklaratës së Shait, ish-presidenti rus Dmitry Medvedev paralajmëroi Izraelin kundër furnizimit me armë Ukrainës.
“Duket se Izraeli do të furnizojë me armë regjimin e Kievit. Një hap shumë i nxituar. Kjo do të shkatërronte të gjitha marrëdhëniet ndërshtetërore midis vendeve tona”, tha Medvedev. /tesheshi.com/
