Kryeministri Rama reagoi ndaj irritimit opozitar, por dhe atij presidencial mbi hapjen e listave, e cila do mundësohet nga ndërhyrja në dy nene kushtetuese.
Më së pari, Rama sqaron opozitën mbi fatin e koalicioneve parazgjedhore, duke shkruar:
“As Jashtëparlamentarja, as Presidencialja s’duhet tê merakosen për fatin e koalicioneve parazgjedhore, sepse askush nuk do t’i ndalojë të vazhdojnë ta ndajnë ombrellën e opozitës së bashkuar edhe në zgjedhje! Taksirat ta ndjekin parlamentin që e duan s’e duan është vendimmarrësi!”.
Më tej, Rama i kujton Metës se parlamenti sigurisht që është legjitim, pos dhe sovran.
“Presidenciales i kujtoj se Kuvendi është sovran, i dëgjon të gjithë po vendos vetë! Dhe hapja e listave për t’i dhënë mundësi edhe qytetarëve e jo vetëm kryetarëve të zgjedhin deputetë, si dhe garantimi i përfaqësimit të grave në kushtet kur listat hapen, i bëjnë mirë vendit…
Shoh agjitim në radhët e opozitēs jashtëparlametare dhe asaj presidenciale për hapin e hedhur sot në Kuvend drejt hapjes së listave! Jashtëparlamentares i kujtoj se kemi një marrëveshje e do ta zbatojmë në çdo pikë, po kjo s’do të thotë që sharjet e provokimet nuk e rrezikojnë“, shkruan i pari i mazhorancës dhe i qeverisë. /tesheshi.com/
