Pak ditë pas fitores së mandatit të tretë, qeveria e Viktor Orban në Hungari është përballur me protesta të shumta e masive.
Protestuesit të cilët mbanin në duar flamuj të Hungarisë dhe Bashkimit Evropian, kanë mbajtur parulla kundër kryeministrit Orban, të cilin e konsiderojnë si autokrat dhe anti-europian.
Protestat u organizuan me moton “Jemi shumica– Lufta për demokraci”.
Protestave iu bashkua dhe opozita, cila prej vitesh shfaq dobësi dhe mosorganizim të duhur për t’u përballur me pushtetin e Viktor Orban, i cili si avantazh kryesor ka rritjen ekonomike.
Në zgjedhjet e para një jave, koalicioni Fidesz-KDNP i Orban fitoi 48 për qind të votave.
Brukseli e konsideron Orban si “delen e zezë”, pasi vitet e fundit politika e tij ka një krahmarrje nga Moska. /tesheshi.com/
