Christina Doctare, një gazetare suedeze që mori çmimin Nobel për Paqen në vitin 1988 si anëtar i Forcës së Paqësimit të Kombeve të Bashkauara, e ktheu këtë njohje prestigjioze në shenjë proteste ndaj Nobelit në Letërsi dhënë shkrimtarit austriak Peter Handke.
Ajo foli mes qindra protestuesve të mbledhur në kryeqytetin suedez si reagim ndaj vendimit të Akademisë Suedeze për t’i nderuar njeriun që mbështeti regjimin e Slobodan Milosevic dhe që haptas mohoi të kishte genocid në Srebrenicë.
“Po kthej çmimin tim”, tha ajo para turmës me një medalje në dorë.
Ajo gjithashtu kujtoi luftërat në Ballkan, e tha: “Për sa kohë që jetoj, do të dëshmoj se e vërteta e një lufte të tmerrshme nuk do të mohohet kurrë”.
“Unë isha krenare për Akademinë më parë. Çmimi Nobel ishte një punë e madhe për Suedinë çdo vit. Tani ndiej turp dhe faj”, theksoi Christina Doctare. /tesheshi.com/
