Me mijëra famlilje arabe në vend kanë hapur dyert e shtëpive për të pritur njerëzit e prekur nga zjarret që detyruar me mijëra vetë të largohen nga shtëpitë e tyre.
Ironia e fatit, një nga fshatrat arabë të planifikuar për t’u shkatërruar nga Izraeli për t’i bërë vend ngulmimeve të reja kolone izralite, ka hapur dyert e shtëpive për të strehuar izraelitët që kanë ngelur pa shtëpi.
Po ashtu, në Qytetin e Haifas, ku ka ndodhur edhe pjesa më e madhe e zjarreve, shumë banorë arabë i kanë hapur shtëpitë e tyre për të evakuuarit.
Me mijëra familje të tjera arabe kanë shprehur dëshirën për të ndihmuar të prekurit. Dr. Mansour Abbas, i Lëvizjes Islame, ka konfirmuar se një numër i madh i kryebashkiakëve në qytete të ndryshme kanë shprehur vullnetin e mirë për të bashkëpunuar e për t’u koordinuar me qendrat e emergjencës.
Ndërkohë, siç ndodh rëndom me disa media, nuk kanë munguar as përpjekjet për ta manipuluar situatën, duke i paraqitur arabët muslimanë si ‘izraelitë’ që kanë hapur ‘shtëpitë’ dhe ‘zemrat’ për banorët e prekur. The Jerusalem Post, një gazetë pro-izraelite, e ka transmetuar lajmin por pa përmendur asgjëkundi se bëhej fjalë për arabë. /tesheshi.com/
