Luftëtarët talebanë, për mposhtjen e të cilëve forcat e udhëhequra nga SHBA shpenzuan miliarda dollarë, tani janë haptazi aktiv në 70% të Afganistanit, ka konstatuar një studim i BBC.
Muaj të tërë hulumtimesh në të gjithë vendin tregojnë se talibanët tani kontrollojnë ose kërcënojnë shumë më tepër territor sesa kur trupat e luftëtarëve të huaj u larguan në vitin 2014.
Nga ana tjetër, qeveria afgane ka hedhur poshtë raportin, duke thënë se ajo kontrollon pjesën më të madhe të territorit.
Por në sulmet e fundit të pretenduara nga militantët talebanë dhe ISIS, janë vrarë një numër i madh personash në Kabul dhe gjetkë.
Zyrtarët afganë dhe presidenti Trump janë përgjigjur duke përjashtuar çfarëdo negociatash me talebanët. Vitin e kaluar Trump njoftoi se ushtria amerikane do të qëndrojë në vend për një kohë të pacaktuar.
Hulumtimi i BBC sugjeron gjithashtu se ISIS është më aktiv në Afganistan se kurrë më parë, megjithëse mbetet shumë më pak i fuqishëm se talebanët. /tesheshi.com/
