Edhe pse e gjitha çfarë ndodhi së fundi në parlamentin maqedonas, ku u përgjakën edhe deputetë, mes tyre dhe lideri i LSDM-së, kandidati kryesor për kryeministër, Zoran Zaev, i adresohet VMRO-së dhe përkrahasve të saj që pushtuan ambientet e Kuvendit, lideri i kësaj partie, Nikolla Gruevski ka bërë thirrje për qetësi.
Deri këtu ok nga pikëpamja e qëndrimit parimor, ndonëse dogmatik. Por Gruevski kalon dhe në planin politik, kur aludon se dhuna mund të vijë nga LSDM-ja.
“Dhuna nuk është zgjedhje dhe është e nevojshme ulja e tensioneve. Bëj thirrje që populli të përmbahet dhe të mos bie pre e provokimeve të atyre që dëshirojnë ta fusin shtetin në një krizë më të thellë dhe të plotësojnë skenarin e tyre”, ka thënë Gruevski në facebook. /tesheshi.com/
