Si për ironi, nën krizë pandemike, ka ndërruar jetë por jo nga COVID-i, një ndër etërit e epidemiologjisës shqiptare, i veçuar nga Dr. Silva Bino si njeriu që mundësoi që SIDA-s të mos kërcënonte shëndetin e shqiptarëve.
Fjala është për Memo Boçin, ish-Drejtor i Pergjithshem i Higjenës dhe Epidemiologjisë në Ministrinë e Shëndetësisë.
“Kur ne do të paraqiteshim në konferencën për AIDS në Lisbonë në vitin 1990, ishte ai që pas asnjë ngurim na vuri në dispozicion materialet që prezantimi i Shqipërisë të ishte sa më dinjitoz.
Ishte Memo Boçi personi që me dedikim nuk lejoi që Shqipëria të pësonte katastrofë nga HIV/AIDS dhe që ndërtoi programin e parë të parandalimit te HIV/AIDS në vend”, shkruan në një dedikim të saj nekrologjik Dr.Bino. /tesheshi.com/
