Të paktën pesë njerëz humbën jetën nga një zjarr që shpërtheu në një spital në Shën Petersburg të Rusisë, ku si për ironi fati trajtonte pacientë të infektuar me koronavirus.
Agjencia ruse e lajmeve TASS deklaron se zjarri shpërtheu në katin e gjashtë të spitalit “Sveti Juraj”.
Pesë pacientë që ishin të lidhur me një respirator u shuan nën flakë. 150 të tjerë u evakuuan dhe zjarri u mbajt nën kontroll.
Është duke u zhvilluar një hetim, dhe sipas të dhënave paraprake, zjarri është shkaktuar nga respiratorë të dëmtuar.
Dy ditë më parë, një zjarr shpërtheu në një shtëpi pleqsh në Krasnogorsk, Rusi, ku 9 sosh humbën jetën.
Një person tjetër u shua në një zjarr që shpërtheu javën e kaluar në një spital në Moskë, ku njerëzit janë duke u trajtuar për COVID-19. /tesheshi.com/
