Uragani Irma shkaktoi 7 viktima në territorin francez të Karaibeve, ndërsa dy të tjerë janë plagosur rëndë. Sipas autoriteteve numri i viktimave mund të rritet, ndërsa aeroporti ‘Princess Juliana’ në ishullin e Shën Martinit në Karaibe, i ndarë midis Francës dhe Holandës, u shkatërrua. Gjithashtu edhe avionët janë dëmtuar.
Irma, e cila konsiderohet stuhia më e fortë që goditi Atlantikun, së pari u ul në ishujt e Antigua dhe Barbuda para se të kalonte në ishullin francez të Shën Bartolomeut dhe Shën Martinit.
“Syri” i Uraganit Irma, i cili arriti në kategorinë e më të lartë, atë të pestë, po kalon përgjatë Ishujve Viirgine, njoftoi Qendra Kombëtare e Uraganëve në Shtetet e Bashkuara.
Uragani, i cili do të kalojë përgjatë Puerto Rikos, kurse të enjten edhe në veri të bregdetit të Republikës Dominikane, ka shkaktuar dëme të mëdha në ishujt e Karaibeve.
Mijëra njerëz janë evakuuar. Qytetarët hynë në dyqane për t’u furnizuar me nevojat më themelore, dhe në disa ishuj që janë destinacione të njohura turistike, aeroportet janë të mbyllura, raporton BBC.
Ministri i Brendshëm francez Gerard Cole njoftoi sot se “katër ndërtesat më të forta” u shkatërruan në ishullin e Shën Martinit, që do të thotë se edhe ndërtesa të tjera më të dobëta ndoshta janë shkatërruar në tërësi”.
Në këtë ishull, furnizimi me energji elektrike është ndërprerë, ndërsa në ishullin francez të Saint-Barthes, ku jetojnë rreth 9,000 njerëz, stuhia ka ndërprerë edhe të gjitha komunikimet, raporton BBC.
Në pjesën franceze të Shën Martinit jetojnë rreth 40,000 njerëz, po aq sa edhe në anën holandeze të ishullit.
Ministri i Brendshëm hollandez Ronald Plasterk tha se dëmi i shkaktuar nga stuhia në këtë ishull ishte i madh, por situata e tij ende nuk dihet, për shkak të problemeve me komunikimin. Nuk dihet nëse ka ndonjë viktimë, ka shtuar Plasterk, sipas AP.
Drejtori i Shërbimit Kombëtar Amerikan të Meteorologjisë Luis Ucelini i tha AP se ai është i shqetësuar se stuhia do të mund të kalojë nëpër Florida në Karolinën e Veriut.
Ai paralajmëroi se të gjitha “rreziqet që lidhen me stuhinë” do të ishin të rrezikshme.
Eksperti i uraganit, Keri Emanuel, llogariti se Irma ka rreth shtatë mijë miliard vat energji, ose dy herë më shumë energji se të gjitha bombat e përdorura në Luftën e Dytë Botërore. /tesheshi.com/
