Uragani Irma goditi Floridën duke shkaktuar dëme të mëdha në Majami.
Rrugët u përmbytën, ndërkaq dëme të mëdha për shkak të vërshimit të ujit ka pësuar edhe aeroporti.
Drejtori i aeroportit ka njoftuar se ai do të jetë i mbyllur të hënën dhe shpreson se dëmet do të rregulllohen deri të martën.
Megjithëse intensiteti i stuhisë është dobësuar, ajo ka lënë pas vetes dëme të mëdha. Banorët u paralajmëruan për përmbytje dhe stuhi të rrezikshme.
Siç raporton CNN, në shumë vende ende nuk mund të vlerësohen dëmet, sepse ende është natë dhe askush nuk e di se si do të duken qytetet si Napoli dhe Tampe në mëngjes.
Ndërkohë, në internet janë postuar video të ndryshme të vërshimit të ujit në rrugët e Miamit, siç mund të shihni më poshtë. /tesheshi.com
