Kevin Conway nga Irlanda u befasua kur vuri re se llogaria e tij bankare përmbante 200 milion.
Ndërsa kontrolloi llogarinë e tij bankare përmes celularit, Conway vuri re që ajo mbante 197,245,088 euro. Sipas Irish Mirror, ai kontrollonte vazhdimisht se sa para kishte në llogarinë e tij. Shuma ishte gjithnjë e njëjtë, aty te 200 euro.
Duke folur për RTE News, ai tha: “Kur po kontrolloja gjendjen e llogarisë të premten e kaluar, ajo ishte 197 milion euro. Por papritmas ajo shumë u zhduk. Nuk dija çfarë të bëja. Kapa kokën me duar…Për dy orë kisha qenëi pasur me 200 milion euro”.
Shuma e parave në llogarinë e tij ishte një gabim. I riu nuk do të mund të merrte këto para.
Një zëdhënës për kompaninë që zotëron aplikacionin Revolut tha që gabimi u rregullua shumë shpejt.
Sipas Conway, kur ai pyeti agjentin e mbështetjes së klientit se çfarë kishte ndodhur, ai me shaka i kishte thënë se ata nuk donin që shuma e madhe e parave të bëhej realitet.
“Unë uroj që të ndodhte kështu. Edhe unë do të pasurohesha”, bëri shaka agjenti.
Revolut është një kompani që ofron shërbime bankare.
Conway nuk mund të përfitonte nga ky gabim. Por në të kaluarën kjo ka ndodhur.
Një shembull i kësaj është Margaret McDonnel, e cila përfitoi 51,000 euro në mars 2013, të cilat u kaluan aksidentalisht në llogarinë e saj. /tesheshi.com/
