Kryepeshkopi i Kishës Ortodokse serbe Irinej, në mesazhin për Krishtlindjet ortodokse ka dhënë një qëndrim të fortë drejtuar krerëve të Beogradit, në vitin që pritet të nisë dialogu përfundimtar për Kosovën.
“Kosova dhe Metohija është Jerusalemi ynë. Nuk duhet ta braktisim pasi ne jemi në ato territore që kur erdhëm dhe këtë e thonë kronikat bizantine.
Nëse do ta braktisim do të na mallkojë Zoti, Mbreti David që kërkon nga ne të mbrojmë Vendin tonë të Shenjtë”, tha Irinej në mesazhin më të fortë prej shumë vitesh.
Nga ana tjetër kryepeshkopi ka kritikuar rëndë bashkëatdhetarët që sipas tij “kanë harruar rrugën e Zotit dhe po braktisin Kosovën”.
Irinej tha që “në Serbi po vdesin më shumë se po lindim dhe populli ynë po shkon drejt degradimit. Po braktisim fshatrat, qytetet dhe tokat tona”, tha ai. /tesheshi.com/
