Ushtria e Iranit zbuloi një dron të ri sulmues të dielën, më 28 prill, i projektuar për të fluturuar në objektiva dhe për të shpërthyer, si ato të përdorura nga Rusia në luftën në Ukrainë.
Sipas agjencisë shtetërore të lajmeve Tasnim, droni i ri iranian, emri i të cilit ende nuk është publikuar, është i ngjashëm me dronin rus Zala Lancet, i cili u prodhua për herë të parë në vitin 2020. Tasnim publikoi një video të dronit të ri në raport.
📹 جدیدترین پهپاد انتحاری سپاه
پهپاد انتحاری جدید سپاه ساختاری مشابه پهپاد «لنست» روسی دارد و در دسته مهمات پرسهزن جای میگیرد و کاربرد قابل توجهی در رزم زمینی و بخصوص عملیاتهای ضدکمین دارد#ایران_قویhttps://t.co/5CDrl2TimI pic.twitter.com/JZQucbPHJT
— خبرگزاری تسنیم 🇮🇷 (@Tasnimnews_Fa) April 28, 2024
Irani pretendon se ka bërë përparim të madh në prodhimin e mjeteve ajrore pa pilot në vitet e fundit dhe forcat ruse në pushtimin e Ukrainës po përdorin intensivisht mjete ajrore pa pilot të prodhimit iranian.
Shtetet e Bashkuara, Britania dhe Kanadaja vendosën sanksione të reja ndaj Teheranit të enjten duke synuar prodhimin dhe eksportin e dronëve të vendit, pas sulmeve ajrore iraniane në Izrael. Irani i ka dënuar me zemërim sanksionet.
“Këto sanksione nuk do të ndikojnë në vullnetin tonë, përkundrazi…ato vetëm do të forcojnë vullnetin e forcës sonë ushtarake dhe pavarësisë,” tha zëdhënësi i Ministrisë së Jashtme iraniane Nasser Kanaani.
Kanaani theksoi se Irani ka të drejtën legjitime për t’u armatosur për mbrojtjen e vendit, ashtu siç është legjitime të ndërmerren veprime ushtarake kundër agresionit armiqësor siç është ai i Izraelit.
Sulmet iraniane ndaj Izraelit pasuan një sulm të ajror izraelit në kompleksin e konsullatës iraniane në Damask, i cili vrau, ndër të tjera, oficerë të lartë të Korpusit të Gardës Revolucionare. /tesheshi.com/
