Irani ka bërë me dije se ka në plan të katërfishojë prodhimin e uraniumit të pasuruar dhe do të arrijë kufirin e rezervave të lejuara brenda disa ditësh.
Zëdhënësi i Organizatës së Energjisë Atomike të Iranit (AEOI), Behrouz Kamalvandi, tha të hënën se Irani do të arrijë nivelin e lejuar të 300kg të uraniumit të pasuruar në nivelet e mandatuara nga marrëveshja e vitit 2015.
“Ne do të shkojmë deri në limite por edhe do të rrisim prodhimin në mënyrë drastike. Kur të kalojmë kufirin prej 300 kg, ritmi dhe shpejtësia e prodhimit të uraniumit do rritet,” tha Kamalvandi.
Teherani i ndërpreu veprimtaritë e tilla në përputhje me disa elementë të marrëveshjes bërthamore, një vit pasi Shtetet e Bashkuara u tërhoqën në mënyrë të njëanshme nga marrëveshja. Në ato kushte, Irani kishte rënë dakord të kufizonte aktivitetet e saj bërthamore në këmbim të heqjes së sanksioneve ndërkombëtare.
Presidenti iranian Hassan Rouhani tha më 8 maj se nënshkruesit e mbetur – Mbretëria e Bashkuar, Franca, Gjermania, Kina dhe Rusia – kishin 60 ditë për të zbatuar premtimet e tyre për të mbrojtur sektorët e naftës dhe të sektorit bankar të Iranit nga sanksionet e rivendosura të Shteteve të Bashkuara. /tesheshi.com/
